الماتى قالاسىنىڭ دوستىق ۇيىندە قازاقستان رەسپۋبليكاسىنىڭ كونستيتۋسياسى كۇنىنە ارنالعان وتىرىس ءوتتى. ءىس-شارا الماتى قالاسى «قوعامدىق كەلىسىم» كمم وكىلدەرى، ەتنومادەني بىرلەستىكتەردىڭ باسشىلارى مەن مۇشەلەرى، قحا قوعامدىق قۇرىلىمدارىنىڭ (انالار كەڭەسى، «اسسامبلەيا جاستارى» قب، جۋرناليستەر كلۋبى، عست وكىلدەرى)، عىلىمي جانە شىعارماشىلىق زيالى قاۋىم وكىلدەرىنىڭ قاتىسۋىمەن ءوتتى. بۇل تۋرالى الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى حابارلادى.
قازاقستان رەسپۋبليكاسى كونستيتۋسياسىنىڭ ءرولى مەن ماڭىزدىلىعى تۋرالى باتتالحانوۆ بولىسبەك زامانبەك ۇلى، د.ا. قونايەۆ اتىنداعى ەۋرازيالىق زاڭ اكادەمياسىنىڭ قازاقستان حالقى اسسامبلەياسى كافەدراسىنىڭ مەڭگەرۋشىسى، الماتى ق. قحا مۇشەسى، الماتى ق. قحا جانىنداعى عست مۇشەسى اڭگىمەلەپ بەردى.
بۇگىنگى كۇنى قازاقستان رەسپۋبليكاسىنىڭ كونستيتۋسياسى قوعامدى جاڭعىرتۋ، دەموكراتيالىق ينستيتۋتتاردى نىعايتۋ، ازاماتتاردىڭ ءال-اۋقاتىن ارتتىرۋ جانە الەمنىڭ دامىعان ەلدەرىنىڭ قاتارىنا كىرۋ جولىندا شوعىرلاندىرۋدىڭ قۋاتتى فاكتورى بولىپ تابىلادى.
ءوز كەزەگىندە، لۋكاشيەۆ ۆسيەۆولود اناتوليەۆيچ – الماتى قالاسىنىڭ قازاقستان حالقى اسسامبلەياسى ءتوراعاسىنىڭ ورىنباسارى، «قازاقستاندىق ورىس مادەني ورتالىعى» قوعامدىق بىرلەستىگى فيليالىنىڭ ءتوراعاسى وتانداستاردى كەلە جاتقان مەرەكەمەن قۇتتىقتادى.
سونداي-اق، الماتى قالاسىنىڭ قازاقستان حالقى اسسامبلەياسى ءتوراعاسىنىڭ ورىنباسارى نيازوۆا نۋريا يسماگيلوۆنا، «يلداش» تاتار گۋمانيتارلىق دامۋ ورتالىعىنىڭ ءتوراعاسى، دۋنگان رەسپۋبليكالىق ەتنومادەني ورتالىعىنىڭ جاستار قاناتىنىڭ ءتوراعاسى دجينليروۆ ارافات جانە قازاقستان حالقى اسسامبلەياسىنىڭ باسقا دا بەلسەندى مۇشەلەرى بايانداما جاسادى.
پىكىر قالدىرۋ